梅子部落


飛天、遁地、上山、下海。。什麽未試過?
只有真愛 

來到Seychelles已經差不多一個星期，因爲工作關係，未有時間到處行行，而且網絡寬頻一啲都唔寬。。不過，我都好忍唔住想分想其中兩張靚相。

紅魔突然問我。。舊年今日寫過一篇嘢–storry teller，裏面提及兩個人。。一個唱歌好勁，一個唱歌好有heart。。呢兩個人係邊個？

其實，你既然知道，仲問？不過我真係希望你可以keep住鈡意唱歌嘅heart，搵到自己鈡意做嘅事係唔容易o架！

非常激氣..

已經多次提醒，唔好岔亂我嘅流程。。岔完又岔。。

都唔緊要，我話lunch完之後至講嘅嘢，係都要即刻講。。你唔食個客都要食o架！

都唔緊要，仲要當我無到咁。。究竟識唔識寫"尊重"兩個字？

都唔緊要，仲要好似女人咁，問下佢搵緊乜嘢file，竟然發爛碴，話我無理取鬧！！佢啊爺。。

怒！怒！怒！我唔叉你，鬼唔望有人叉到你貼地！！

有時候，我希望自己係個巫婆。。

咁樣我可以盡情嘴咒，沒有半點内疚。。"如果你唔愛我，呢一世都無人會愛你"

咁樣我可以施下最厲害嘅魔法，讓你永遠只愛我一個。。

但係，我始終係一個好人，好人係唔會有好報o架！！

數讀，亦即係sudoku，係一種填字遊戲。有填數字、圖案、英文字母等等。規則就係同一個字唔可以喺同一行或同一格出現兩次。例如以下第一個數字唔可以係（6，1，7，4，2，3），因爲同一數字唔可以重復出現喺紅界範圍，因此第一個數字可能係5，8，9。再配合其他可能性，漸漸找出答案。

我早排迷咗呢個game一段時間，發現會浪費好多時間，最後逼自己唔再玩。但係以家，身邊朋友又hit返，所以。。我又再次墮入陷阱啦！呢次，突然覺得有點悶，甚至乏味。。突然興致勃勃，開機寫咗個program，用來計算每一set數讀嘅答案。啱啱寫完實在太興奮啦！原來，我已經好耐無寫program啦！好彩未生銹

又消失咗一排，又係做咗無尾飛陀。

11/03 - 13/03 上海
13/03 - 14/03 杭州
16/03 - 澳門
17/03 - 20/03 香港
20/03 - 22/03 新加坡

此次旅行，都算驚險。連續錯過兩趟火車，旅館唔收信用卡，嚴重缺乏現金。。好彩，好人有好報。。最後都有驚無險，平安返到來。

第一重：小女子生日。。今天收到好多信息。。但係大多數叫我去投票！

第二重：副女節。。

第三重：大馬大選。。

諗諗。。其實都冇乜好慶祝。生日又如何？又老咗一嵗。婦女又如何？一樣要開工。大選優如何？即管反對黨贏咗幾個州，但係囯震仍然掌握政權。希望明天會更好啦！梅子啊，婦女們啊，反對黨啊，加油啊！

今晚，同班同事去睇舞臺劇"文成公主"。

其實，我本來就冇乜期望。。點知睇落真係幾好噃！以本地質素，真係超出水準o添。。

舞臺背景

88%–皇宮裏面啲柱，畫功精美雕刻細膩，移動背景繁多給人帶來層次感，而且每場背景都富有新鮮感，讓人物走動的位置能多變而生動。

舞蹈

85%–睇得出來，編舞同練舞都落足功夫。最令人嘆爲觀止嘅一part舞係千手觀音出現喺西方。多個舞蹈員平排直綫，令觀衆視覺上只有一個人，當背後舞蹈員伸手出來，視覺上就似觀音伸出無數只手，每一個人嘅手都必須一伸出就準確到達應有嘅角度，否則就會給人淩亂嘅感覺。最前面嘅舞蹈員最難，因爲時閒好難掌握得准皆因睇唔到背後舞蹈員嘅動作。

音樂

75%–音樂未能為聽衆帶來驚喜。到散場都冇一個melody令我印象深刻。獨唱者唱功還算唔錯，合唱時就顯得有點不協調。男主角唱腔太響亮，略嫌淹蓋咗女主音。大合唱更是隨便，聼唔出任何層次感、無參叉唱和嘅感覺、帶唔出浮沉、激昂或傷感嘅氣氛。

最大缺點係。。個舞臺劇係無管弦樂團嘅。。嘥嗮！

總結，好值得睇，而且非常應該支持！！

3756 個日子過去。。等了千載的邂逅終于降臨。。

命運的安排下。。我們分離。。命運的主宰下。。我們重逢。。

命運的作弄。。我們還要再跨越多少個十年，才能完成那淒美的愛情故事？

零晨兩點半，我同佢o係網上傾咗幾句。傾到我想學彈奏悠長假期首Minami，係一首classical。佢話佢唔識欣賞classical。。其實，我應該趁機踩下佢。。

應該踩佢無品味，無class。。連佢阿媽揀條tie都靚過佢揀o既，張學友唱歌都唔覺得好聽。。好o既嘢佢永遠唔識欣賞，只係鈡意d"平"嘢。。一個字 —- "cheap" 啦！

所以，我終于念到點解佢唔揀我嘞。。亦都好彩佢無揀到我，如果唔係，我咪即係同佢揀o既所有嘢一樣，都係o甘cheap？

呢個係5年以來，第一次念到o既理由，亦係一個令我能擡起頭再發奮圖強安慰自己o既方法。。總好過一直認爲自己唔知做錯什麽，唔知做少什麽，又唔知缺少什麽而迷惘、傷心又自責。

請你繼續cheap，cheaper, cheaperper !! 哈哈，突然想起阿樂o既名句o添！！

褒電話粥係我以前最喜愛o既活動。一傾可以傾幾粒鈡o架！

但係，自從做咗工幾年，就好少好少褒嘞！

尋日，二天一流打卑我，竟然又褒咗成一粒鈡。原來香港竟然有d o甘正o既嘢，打囯外固定電話網絡係唔洗附加費喔！如果大馬都係o甘就好了。。

我最近得了妄想症。。

我想。。放一個月長假，什麽都不做，只是每天吃、喝、玩、樂、睡、吃、喝、玩、樂、睡、吃、喝、玩、樂、睡。。。

我想。。花一筆錢，買一輛最貴的跑車，每天在街上炫耀。。

我想。。遨遊歐洲，在巴黎塔上拍照，在瑞士滑雪，在維也納渡河，在英國搭鐵軌巴士，在米蘭看教堂。。

我想。。一個月什麽都不吃，讓自己瘦下十公斤，看看你會後悔還是會心疼。。當然，也許你一點也不在乎。。

我想。。走到你跟前，給你兩個耳光。。也許你不會明白箇中緣故，就是要讓你一輩子都不懂。。

我想。。到海島住上幾個星期，游泳、潛水、滑浪、曬太陽、看日落。。

我想。。想想而已。。

呢兩句嘢變咗好多人嘅口頭禪。有睇新聞嘅人都應該知道呢兩句嘢嘅創始人係偉大嘅嬌。

其實，自願咁自拍裸照或性愛錄影並唔係乜嘢犯法嘅事情。大家都係成年人，亦因爲現今科技發達到可以即影即睇，相信好多人都有自拍嘅經驗。當然，自拍唔一定係"愛迪生"嗰种相，可以係某某愛靚嘅人，想睇睇自己邊個角度好睇啲，乜嘢pose會走光等等

聰明嘅人一定會諗到，呢個世界係冇絕對嘅。。例如啲相唔會係絕對安全。最佳例子係遺失手機時，會流失；修整電腦時，會流傳；就算你擺入夾万，你死咗承繼你遺產嘅人都會發現；想秘密永遠消失，最佳方法係唔好製造秘密，或者消滅秘密。否則，最後選擇就係殺人滅口。如果愛迪生要選擇後計，佢必須效法秦始王–焚書坑儒！

當然，當秘密唔再係秘密時，當事人唯有堅強面對。本來，普通人只係會引起小小風波，甚至可能只有少數人認得出來。但係。。愛迪生等等人，尤其天真嬌一向扮純情，所以就搞到全世界都爭住睇，爭住講，爭住閙。撇開佢哋係明星嘅身份，佢哋亦只不過係廿齡嘅年輕人，如果對於一般嘅年輕人大家都可以寬容，點解對於佢哋要特別苛刻？又要交待，又要道歉，又要退出娛樂圈。。佢哋都係受害者來噃！等於你被人打劫，但係你被打劫嘅過程被人睇到嚇親人，仲要你賠錢，死未？

相信好多人唔會同意。以上，我只係講緊啲相，人格除外。根據許多雜誌、論壇分析，天真嬌一點也不天真，明知艾迪生有女友，仍然同佢維持xx關係。。的確粉碎咗好多年幼fans嘅純真的心。張白癡一路被我感覺為謝檸檬醉生夢死，但係竟然。。愛迪生就更加唔洗講啦。。一拖N條女。。另全世界男人又妒嫉又羡慕，。。有乜辦法唔被人打死丫？！最重要係。。令全世界人都百思不得其解，佢魅力何在？這將會成爲金田一或柯南都解唔開嘅謎團

好啦。。講咗咁耐，一定有人問。。有冇相睇啊？ 。。。 其實，係有o架。。thegutterpos dot blogspot dot com 其實，我覺得好内疚。。不過，到咗依家未睇過嘅人，都唔係好多了。。

迷途羔羊："神啊神，點解愛一個人咁難？"

神："愛一個人一啲都唔難，難就難在點樣唔愛一個人。"

迷途羔羊："神啊神，我為佢做盡所有事情，點解佢都無動於衷？"

神："你有無問過佢要唔要你為佢做？"

迷途羔羊："神啊神，我到底做錯乜嘢，點解佢就係唔選我？"

神："你從頭到尾只係做錯一樣嘢，愛錯咗一個人。"

迷途羔羊："神啊神，佢既然唔愛我，點解每個假日約我？點解過度關心我，點解卑我咁多幻想空間？"

神："因爲你患上精神病，否則又點會同空氣講咁多嘢丫？"

迷途羔羊："屙裏吉帝(arigatou)"

十日前。。佢話:"累你曬咗成日，我好心痛。。" 如果你聼咗，會唔會誤會？

七日前。。我哋去睇戯，感動場面嘅時候，佢遞紙巾卑我。佢從來都唔會咁做，轉性？

四日前。。佢話:"女仔都鈡意坏男人，我咁乖，所以咪無人鈡意囉！"單身宣言？

昨日。。佢話:"我朋友病咗，我要照顧佢。。" 好明顯，個"朋友"一定係女仔啦！

咁我之前睇到、聼到、感覺到嘅。。全部都係幻覺？？我一定係有精神分裂，否則又點會有咁多幻覺？仲幻覺咗幾個月？點解男人可以幾秒前同幾秒后，變成完全兩個唔同嘅人？點解女人可以蠢到撞幾次板，都學唔精？仲要係撞同一塊板？