睇紧烈火雄心III，睇到火都来埋。。唔知系TVB抑或个编剧有问题，王喜个角色越做越惨。。先系昏迷，昏完之后女友卑人撬左，再撞埋车，跟住断埋脚，仲要卑人告，最后自杀。。全世界悲剧发生晒系同一个人身上。。我宁愿个角色早d死，费时眼冤！

之后，条气仲系唔顺。。上网d讨论区唱衰TVB。。哈哈。。点知原来大把人同我一样念法。。如大多数人讲，套戏拖拖拉拉，谈情多过救火。。最滚就系安排一连串"懒有型"d场面被个郑嘉颖。。如果系第二个，或者无o甘恼。。呢个o野又木又无料，有他d火场全部假geh。。我唔系王喜fans，都睇到呕，王喜fans睇怕全部想炸左TVB。

有人o系讨论区提起烈火雄心第一辑，话好好睇。。所以就BT来睇睇。。因为太多集，又心急。。就睇下飞下。。但系真系好睇得多。。中间系有d闷，但起码令我有想追o既冲动。。结局仲喊到收唔到声。。亦发现，烈火III竟然抄返第一辑乔端，例如断脚装义肢、跳楼自杀、无感觉靠时间累积o既感情最后出现第三者。。睇来，TVB真系干蘘才尽，仲为左捧郑嘉颖不顾后果。鬼唔望烈火III收视直插谷底。。

我本来真系唔讨厌郑嘉颖，但系睇完烈火III就憎到他死。。唉。。郑生，收档啦！！