今天心情。。阴天有骤雨。。

虽然早就猜到，但系依家确实左，佢已经结左婚。。又一次令我对男人嘅信任严重受挫。。系我运气极其差，抑或现今嘅男人偷吃现象已经普遍到泛滥？虽然同佢冇发展过，但系已经有老婆，仲要隐瞒我、追求我。。我实在百思不得其解。。

当然，一块乌云并唔能够遮晒成个天，令晴天变阴天嘅。。

第二块乌云，亦系一直影响我心情嘅云。。有时，令我天空出现彩虹，有时带来狂风暴雨。。之前讲过，已经同佢拿返晒啲嘢，諗住不拖不欠。。几经辛苦，几多勇气，先开到口帮佢拿返啲嘢。。亦都趁机会同佢讲"啲嘢系冇用就卑返我，你连睇都唔睇，不如卑其他有需要嘅人啦！"。。佢答我"我要试下先"。。然后，死都唔肯将啲嘢卑返我。。

当时，我有啲苦恼，有啲开心。。可能佢唔想真系同我冇晒瓜葛。。之后个weekend，仲借啲意约我出去，又问我出国几时返。。但系几星期冇见，啱啱返来以为佢会想见我啦。。点知又不瞅不睬。。

我一直都知道，佢不过当我水泡，冇艇嘅时候，揽下都无妨。。但系我呢只水泡都有感觉o架，点解要咁对我。。难得我要放手嘅时候，你又扯住唔放。。我满怀希望嘅时候，你又成盆冷水照头淋。。唔通我前世真系欠左你？

梅子啊梅子。。放手啦。。唔甘心都放手啦。。有啲嘢就算你用尽所有努力都唔会得到，就算你做足一百分，佢都唔会感动。。冇人会为一个水泡感动o架。。