剛剛上演一幕 fast & furious!
去完gym之後，駕車返屋企途中，遇着一輛黑色唔知係乜車嘅車。。好明顯，一定唔係跑車。。但係又駕到好似跑車咁犽喳。。從jalan tun razak 就吊住我尾，到jalan duta。可以從左邊割我，仲要係十分危險嗰只。。成條路有四條lane，係要咁來玩嘢！
唔認輸嘅我當然唔會就咁算啦！追到佢之後，入咗jalan damansara，再同一輛慢到痹嘅車來夾佢。。佢非常唔甘心，又一次非常危險咁用少過半個車位嘅距離割咗我。。然後，仲刻意開慢啲，想用我同一個方法來夾我。。我就故意卑佢夾，等佢刻意同我排排行嘅時候，show佢中指。。
條路有3條lane，唔過半分鐘，我又爬佢頭啦！不過，由始至終，我都冇望過佢一眼。。哎呀，可能係靚仔來o架，咁就走寳囉！ 雖然，有啲嫐，有啲驚，有啲險。。但係，竟然有啲興奮，有啲回味。。
好快好快。。我就警告自己，以後一定一定唔可以再做啲咁危險又幼稚嘅行爲！！切記！切記！
其實可以講我好唔好彩，以可以講我好好彩。。 雖然拍過幾次拖，但係男朋友都好少會認真咁講"我愛你"，就算第一次示愛，都可能係寫喺卡裏面，或暗示，或拖手就算。。但係，我偏偏有人哋冇嘅卑人示愛嘅經驗。。
好耐好耐以前，仲讀緊中學女校，其實當時一個男仔朋友都冇，竟然收到一個電話，個男仔話鈡意我，要約我。。原來係我朋友嘅朋友，係三德男校嘅學生。當然，係冇下文，因爲我真係好怕羞。。
到我中四，對個男仔二見鍾情。。我晢咗一罐星星，加上一封信，信最後寫"Je T’aime"，喺我哋相識嘅公共圖書館，交卑坐佢隔離嘅女仔。。當時，連佢名我都唔知。心跳一百嘅感覺，到依傢都歷歷在目。
剛剛出來做工，喺租住嘅公寓對面有間士多。。一日，同平時一樣買咗幾罐飲品，個收銀員係個男仔，我亦冇好為意。。返到去至知個袋裏面放咗一封信。。封信話想同我做朋友，又話要唱歌卑我聼 "Truely,Madly,Deeply"，仲卑咗個電話我。。我冇打到。。
幾年前，佢問我＂係唔係吃醋＂，我答佢＂係。咁答案係紅燈、黃燈抑或綠燈？＂。。呢一次，我跌得好傷，亦發誓從此以後唔會再示愛。。答案係＂紅！非常紅！＂。。我冇辦法明白，點解有人可以咁直接、咁冷酷無情、咁唔理人感受。。
更無聊嘅示愛我亦接過唔少。。有晚中咗個２４小時support電話，就support到半夜十二點。。終于將問題解決，個client就問我有冇私人電話同email。我當然冇卑啦。。佢就係電話同我講"I Love You"！我當時真係呆咗．．
點解會無端端提起示愛？係啊．．我又收到無聊示愛電話囉！來到斯里蘭卡，第二個星期，我地從TransAsia Hotel 搬到Hilton，應該冇乜人知。。但係，第一個晚上，半夜十二點，我竟然接到個電話。。睡到迷迷糊糊嘅我，唔知時間，仲以爲係Client打卑我。。但係，越來越唔對路。。佢又問我邊度來，又問我同邊個來。。我就問佢想點？佢話想請我飲嘢，想同我做朋友。。最不得了就係話覺得我靚。。盲都知道我唔靚啦。。分明講大話。。呢個電話令我冇覺好睡，見到個個人都望望佢name tag。。連門都鎖多幾層。。雖然係幾騎哩，但係都為我沉悶嘅旅程帶來少少刺激。。
面對鏡子，越來越擔憂，越來越似呢种動物。。
不但只形態上，連性格習慣都一樣。。
食飽訓、訓飽食、食飽再訓、訓飽再食。。如是者，過完一日又一日。。越來越驚企上個秤，越來越少衫著得落，越來越無信心。。
但係，自己又唔爭氣。。哎！點算！？
This is to remind myself, how rude can someone be when he is just at a little more advantage situation.
This is also to remind me… be humble always..
你講我講齊齊講
