每日廢話November 29, 2008 11:34 pm
每日廢話November 24, 2008 6:45 pm
星期六，佢話佢心情唔好，我就請佢吃飯。。用盡方法，終于令佢開懷笑返。。好有成就感。。
星期日，同佢吃晏。。佢又想表現佢有幾了解我。。即刻就提議到我至愛嘅餐廳。。之後，去睇咗場不知所謂嘅戯。。之後，一齊去super market買雜貨。。之後，吃晚飯至送我返屋企。。感覺好似拍拖咁。。好溫馨。。當然事實並非如此。。
可能太溫馨，睡覺都發夢都特別甜。。尋晚，就夢見佢。。我地喺遊樂場，坐喺一個可以自己駕嘅嘟嘟車裏面。。架車駛上天橋時，好似喺天空飛一樣，望落下邊，浪漫夜景一覽無遺。。
佢坐我左邊，將佢右手繞過我背後，好慢好慢咁至搭喺我膊頭。。 一邊同我講嘢一邊將我抱入懷内。。然後，我亦用手輕輕捉住佢手指。。感覺太逼真啦。。醒返時，有啲希望自己唔好醒。。
如果晚晚都發咁嘅夢，心情一定日日都咁好。。
每日廢話November 21, 2008 1:20 am
腳痛手又扭到，放棄咗合氣道。。依家join返健身中心。。當然，目的最重要係減肥，再來就係想身體健康，build up stamina 可以潛水潛得自信點。
為咗唔令自己半途而廢，簽咗個健身教練。。最初，覺得d教練個個都係鈡意d樣靚身材正嘅小妹妹，膚淺又無品。。只懂大花無謂錢，買潮流名牌用品。。但係，今日竟發現同個PT原來有好多一樣嘅嗜好。我地一講起唱歌，就開始講個不停，後來佢又被我睇佢同一位朋友錄影同剪接嘅短片。雖然品質同職業錄影有段距離，但第一次又冇昂貴器材，亦冇職業演員，個短篇算係好唔錯。係一個另眼相看嘅開始。之後，又講起鈡意跳舞，又講起鈡意影相，又發現原來佢係一個幾單純又感性嘅人。講到我竟然做到平時做唔到嘅運動，而且唔覺累。突然，搵返好耐好耐之前，就唔見咗嘅感覺。
係同一個好朋友，傾盡天南地北，係同一個人一見如故，係同一個人無所不談。。感覺真係好好。。 好好。。好懷念。。
希望就咁多多一個好朋友啦。。
每日廢話November 5, 2008 1:14 am
開始了尋找自己的旅程。。
第一步，做自己喜歡而他不喜歡的事情 — 所以，我看了一場爵士演奏會。。
其實，我從來不懂欣賞爵士音樂，爵士不過是非常合適高檔場合的背景音樂。別人認爲悶透的古典音樂我卻更為喜歡。然而，幾年前看過Yellow Jacket的演奏會後，發現我也會欣賞爵士，至少沒有在中途睡着了。
這次的演奏，由三位日本人（鼓手，吉他，低音），一位馬來西亞華人（鋼琴）和一位泰國人（薩斯風）。非常精彩，當完結的時候，全場都站立起來鼓掌。啊。。還沒說，這band的名字是 UNIT ASIA.
除此以外,我現在每天的全職八個小時在公司工作,兼職四個小時減肥.. 哈哈.. 有點誇張吧,可是真的呢! 每早起床就要煮一天的食物,晚上就要到健身中心最少一個半至兩個小時. 原來減肥真的可以媲比一份工作, 好辛苦啊! 希望可以快點看到成果,快點瘦,快點健康點..
