睇完志雲飯局，真係覺得子華人生態度係十分悲觀。。就算佢以家幾成功，佢仍然好悲觀。。唔相信愛情。。唔相信親情。。

睇完佢同Do Do嘅訪問之後，覺得佢同Do Do真係好襯。。Do Do因爲佢攞唔到最佳男演員獎而落淚，回頭撲係子華膊頭上面，而子華就攬實Do Do安慰佢，講笑話＂乙水＂返Do Do。。一個攞唔到獎嘅人反而要安慰攞到獎嘅人，仲遮住傳媒唔卑佢地影到Do Do嘅喊包樣。。佢嘅溫柔同風度，我真係希望卑佢攬實嘅係自己。。

2007 年 于志雲飯局（大概筆錄）

點解咁想演戲？

「我希望透過演唔同嘅角色，來活唔同嘅人生。。」

達明係你發掘嘅？但係之後佢比你紅。。有冇啲妒嫉啊？

「人多少當然有嘅啦。。當時，覺得達明幾唔錯，搵咗佢一起搞個二人棟篤笑，點知後來無綫竟然搵佢做"狀王宋世傑"主角，而我要做配角仲要係奸嘅。。本來都唔係好覺得點，但係傳媒寫到行嗮，身邊個個都對我講"硬淨啊！頂得住嘅！" 令我反而覺得自己真係就咁就玩完？」

你信唔信有永恒嘅愛情？

「唔。。唔信。。」沉默咗好耐，仿佛好似諗緊點樣講會令人容易明白，又唔需要提及佢嘅傷口。「我唔信有無條件嘅愛情。。」