從前，有一隻白兔，牠走過一棵大榕樹，發覺樹上面坐了一隻烏鴉。
白兔問烏鴉： 「可以教我像你一樣終日無所事事嗎？」
烏鴉點頭表示：「這個容易，只需坐在這棵樹就可以。」
白兔如言坐在樹底，果然清風送爽，好不快活，豈料卻惹來一隻狐狸，一口把白兔咬住。
白兔臨死前向烏鴉講：「我死得很冤枉，都是你的錯！」
烏鴉不慌不忙回答白兔：「想終日無所事事，像我般風流快活，首要條件是要坐得很高的位置。你只是坐在樹底，一定是首先被犧牲的那個！」
白兔死不瞑目，詛咒烏鴉嘴只懂講廢話。
烏鴉望住白兔吞下最後一口氣，冷冷回答：「對呀，坐得越高，廢話越多！」
一個好消息 - 恭喜恭喜!!Zito 嘅 Mü-nest 終于出版第二張專輯。有關詳情可參閲 Zito’s Blog。
一個坏消息 - 我最愛瀏覽嘅網頁 Empty Concept 面臨可能結束嘅厄運. Marvin, 唔好結束個blog嘞，或者休息休息會有更多靚相同靚畫卑大家分享呢？
上年嘅從新開始。。開始咗唔夠一個月，就收咗檔。。
尋晚，突然心血來潮。。覺得自己真係要做番啲嘢嘞。。
一、分散自己注意力，莫為啲無謂人或無謂嘢煩惱。
二、upgrade下自己，準備再找target。。六年時間嘥係同一個目標身上，都係時候認輸啦！(雖然仲係好唔甘心) 。
三、人瘦啲，企出來都大方啲；人靚啲，講起話來都自信啲；人健康啲，行起路來都輕快啲。
因此，為自己定下咗每日至少完成5件事。今次有啲唔同，就係如果完成唔到，係要罰個喔。。例如，罰扣零用錢、罰抄字、罰做運動。。
我啲懶人係要逼o架啦。。希望一小步、一小步。。可以慢慢更加接近，然後達成願望啦！
哎呀。。忘記將個失敗樣貌影落來做紀念。。
前晚學人整個"棗泥糕"。。點知啊哥卑錯麵粉份量，搞到個蛋糕硬到掟得死人。。搞咗成晚，無得吃仲要洗一大餐。。
失敗，失敗！
唉？想起一首歌。。
你係一個發育健全嘅女人，
所以呢個時候，你有嘢想問。
無端端整甜品，係咪手痕？抑或教你兩招等你"乙水"情人。
Sorry, sorry.. 各位等等.
女人最好嘅嘢唔係一定要同男人分。
整個甜品，錫下自己當獎品，
邊個話愛嚟留住佢個心?- 莫文蔚 婦女新知。
其實，我本意真係想整卑佢食o架，不過呢兩日我地關係有好似疏離咗。。怪怪o甘。。打死我都唔會主動搵佢o架啦！
或者我真係言之過早。。
呼之則來，揮之則去。。有邊個唔知我做咗你嘅免費奴棣。彩。。你攞盡嗮，忙。。亦幫完咗。
似乎現在已經油盡燈枯，毫無利用價值嘞。。好自動閃開，無謂阻住地球轉啦！
其實，我未醉過。。當然唔係因爲我飲得，係因爲我有自知之明，a.k.a 驚死！
好想知道醉咗之後，每一個階段嘅感覺同埋舉動。想知道。。佢嗰晚係真醉抑或假暈。佢腳步浮浮，一味捏住眉中鼻梁。。睇落真係好頭痛好醉。不過，我硬係覺得，佢係扮醉，皆因有時佢會跳跳跑跑上舞臺跳舞，唔似醉囉！大家都會好奇，點解要扮醉？呢個問題。。答起來都覺得複雜。。算啦！
尋日同今日，佢約我吃飯。。本應係件值得開心嘅事。。
但係，吃完之後我都好唔開心。。佢每次都要同我爭拗，現得我一敗塗地甚至令我自己覺得自己好幼稚先至會滿足。尋日落雨、本來好似好浪漫。。但係，佢竟然自己行走先，穿住高踭鞋嘅我，狼狽到根本跟唔上。今日，係別人面前更不留情面，踩到盡。。真係有啲想喊嘅感覺。
我諗我地真係唔夾o架嘞。。啲恐懼症又發作嘞。。唉。。
呢排同佢好似date得好頻密，距離好似拉近咗。但係。。關係還是很遠。。有時近到好似快要有所行動，當我一諗到呢道，有時會開始有"拍拖前恐懼症"，好快我又會壓抑自己嘅妄想，變成"晴天霹靂恐懼症"。
"拍拖前恐懼症"其實就好似"婚前恐懼症"，好開心好興奮，但係又好多焦慮。怕佢會變心，怕性格不合，怕自己配唔起佢。。正一未結婚先怕離婚。
"晴天霹靂恐懼症"係源自個人背景、經歷同自卑感。距離越近，我就越驚佢失驚無神帶個女友棟喺我面前，又或者無端端同我講要收我做契妹。當時我唔可以即刻離去，只可以扮冇事仲要好開心嗰只。忍咗幾個鈡返到屋企先至喊到三更半夜。呢种害怕歷史重演嘅驚慌度直達一百o架！
人人都勸我咪諗咁多，平常心對待。我都想殺到埋身至算，但係。。。。唉。。我都唔想再重復自己抵死嘅藉口。
有相睇啦！！
第一晚 ：14/11/2008 晚上飛抵沙巴，住喺一間RM28一晚嘅自由行嘅宿舍。
第二日 ：租咗輛wira到Mount Kota Kinabalu。
東南亞最高嘅山，Mount Kota Kinabalu 嘅晨曦。
Mount Kota Kinabalu 嘅全相，聳高嘅山峰直入雲霄，位于海拔4095米．
Mount Kota Kinabalu 山峰嘅真面目．
上山路上煙霧重重，視野少過半公里，而且幽靜偏僻，似唔似恐怖片裏面嘅畫面？
此花鮮豔，佈滿山丘．
Rafflesia 嘅花冧．
Rafflesia 係世界最大嘅花，直徑可長達１米．通常開花時間只得幾日，開花時會發出非常濃烈嘅氣味猶如屍臭．
Mount Kota Kinabalu Pine Resort，我地住嘅地方．
Pine Resort 裏面嘅餐廳．
餐廳裏面暗淡燈光下嘅杜鵑花．
第三日 ：晚上下山后返回KK 城市，我地 check-in 咗入呢間Hotel Apartment - Marina Court，再去吃海鮮．
Marina Court 對面就係海灘．
Marina Court 我地住嘅 Block. 嗰晚月亮特別皎潔明亮．
Marina Court 裏面嘅裝潢都好別緻．
沙巴亦出名海鮮，游水花蟹．
煮咗之後就係甘香蟹．奶油蝦亦有版有眼．
第四日 ：KK Morning Market, Wild Life Park 同海灘日落．
Sutera Habour 附近嘅海灘日落，其實唔係好靚．
海灘唔靚係因爲實在好骯髒，有膠袋，有空瓶．．好多垃圾．
唯一睇得下嘅日落照片．
KK morning market．
Morning Market 裏面賣嘅甜點．
沙巴茶葉．
Morning Park 之後，我地去咗Wild Life Park，即係動物園囉．
哇，連老虎同 bear bear 熱到舌頭都跌咗出來！
Proboscis Monkey 係罕有嘅猴子．鼻長長．．err．．有冇什麽特別聯想呢？
似唔似 Ice Age 裏面嘅其中一個主角？
最後一日，去咗 Island Hoping．
Sutera Habour 係我地搭船去 island hoping 嘅地方．
島上嘅碼頭．
島上其中一種玩意．你可以駕住呢架野潛入海裏面睇魚．當然好貴．我地選咗平哋嘅辦法，就係snorkeling囉！魚嘅種類唔算多，但係數量就非常多．
家姐返來又走咗已經幾個月啦。。
我諗家姐最開心莫過於見到兩個孫。。
個仔個仔！Super Duper Hyperactive!!
個女個女。。古靈精怪好可愛喔！！
第一站我哋到金馬倫住咗兩日，當然要試試金馬倫嘅 Boh Tea。對手係我哥嘅。
金馬倫嘅 cherry tomato，連烏蠅都唔放過。
呢杯唔係一般嘅美祿，係相隔十多年之後家姐沖卑我嘅美祿。
之後，我哋當然返咗家鄉怡保。怡保第一美食—-富山點心。此乃熱辣辣啱啱出爐嘅蝦餃。蝦夠大、夠新鮮、夠爽口、皮夠薄，正！
仲出緊煙嘅燒賣。。膠魚、豬肉、蝦新鮮、份量啱啱好，皮又薄。。實在非常好味啊！
呢個係我非常非常喜愛嘅燉蛋，英文叫Cream Caramel。好香蛋嘅味道，口感柔軟得來又硬過豆腐花少少，椰糖又香。我嘅至愛！
你講我講齊齊講
