每日廢話December 31, 2007 1:24 pm
其實，已經無數次（無法數清的次數）。。話過唔再見面，話過唔再聼佢電話，連電話簿入面嘅號碼都刪除咗。。到最後，佢一個電話來，就撲到去。。明明冇講過鈡意我，明明亦冇表明過，雙魚座嘅我卻可以天馬行空亂作一通。。然後又從新泥足深陷。。
最近，煩惱更變本加厲。。同佢逛街，啲售貨員一定問"你女朋友啊？" "你未婚夫啊？" "你先生啊？"。。第一次佢開玩笑咁答 "我其實唔識佢o架！"。。既然如此，當啲人問到我時，我咪照版煮碗答 "我其實唔識佢o架！"。。但係佢又顯得好唔高興。。最慘嘅係，無論我點樣想答 "係"，我都冇咁嘅身份。。具體啲講，我根本唔知自己喺佢心裏面係乜嘢地位。。有時候真係想換個地方，換個環境。。或者就可以決絕咁換個對象。。
