梅子部落 :: May

好歌推介May 29, 2007 11:45 am

尋尋覓覓，年年月月日日。。我曾經在網上搜索過你的名字，曾經走在你家鄉的街道上，向左向右望，望重新遇見。。也曾經在地鐵裏，來來回回坐上幾圈。。看著人潮湧進地鐵，沒有你。。看著人潮流出車廂，沒有你。。我知道，這一生可能不會再見到你了。。

無可否認，每一次想起你，心裏都會禁不住笑出來，想到最後又禁不住哭起來。。所以，就算再遇見，我根本不知道要如何自處，應該要如何打招呼，應該說些什麽。。甚至我根本搞不清楚，那麽想遇見你是爲了什麽？

多年以後，我終于放棄了。。放棄了尋找你。。放棄了遇見你。。不知何來的一個電郵，讓我加盟了網上的一個聯盟，目的是可以尋找到你失去了聯絡的同學、朋友。又突如其來的一個夢，讓我從床上跳起來，打開電腦再搜索一番。。這次，我並沒有抱很大的希望，連你名字的寫法也有點陌生了。。輸入鍵一按，非常俐落的只有一個搜索結果，是沒有照片。。但是，資料都很吻合。不喜歡拍照，很像你嘛，同一所大學，溝通高手，說的就是你嘛！

然後，我發現。。我不知要做什麽了。。我不想留言，不想讓你發現，又希望你知道。。應該說希望你想起。。算了。。已經開始手足無措、語無倫次了。。

這讓我想起了梁咏琪的一首歌 — 兩個人的幸運。是電影"向左走、向右走" 的插曲，我一直非常喜歡。

每當我聽到以下這段，就會讓我回憶起。。在地鐵的人海裏想要遇見你的渺茫。。多渺茫。。今天我終于找到了。。

沿途如能叫你一早叫到沙哑
高呼一个密码
几百万名字里谁是你谁让我查
只想你我幸运到令天地害怕

两个人的幸运
主唱: 梁咏琪
作曲/编曲/监制: 金培达
填词: 林夕
明明像两点水聚到一点
怎会一息之间归予上天
这断了线的风筝在哪边
明明是你声音在我左近
相隔一幅玻璃敲进内心
宁愿从来未接近
天各一方终于等到陌生
和你若不相识不相衬
另觅爱侣亦会甘心

还能如何爱你方可迸发火花
沿途才能被逐寸火花
给我望见
这一格童话就如骑着木马
摇着归家
沿途如能叫你一早叫到沙哑
高呼一个密码
几百万名字里谁是你谁让我查
只想你我幸运到令天地害怕

明明木马已经为我准备
跨上一刻怎么得我自己
除非这繁盛都市
竟载不起一刻生醉梦死
如我在荒岛里相识你
便没法再错过得起

每日廢話May 28, 2007 1:50 am

溏心風暴

最近，又開始追連續劇。。就係現在香港興盒盒o既溏心風暴。

不摟係同事下載被我睇，但係就幾天才update一次。直到第34集，我終于頂唔順，要自己下載，如果唔係weekend就無得睇啦。

好辛苦至install好個Software，setup好個router，下載咗6個鈡至1集。又唔知道點解，同時下載35, 36, 37, 38, 39, 40集，偏偏第35集最後下載完。所以，經過兩日兩夜不停o甘下載。。尋晚終于可以好開心o甘繼續追啦。。

點知。。。。。一打開個file，唔但只唔係溏心風暴，而且唔係中文戯，而且係5級咸片，而且係虐待與被虐待狂實錄，而且係核凸到想嘔。。幾乎滿清十大酷刑都出齊，當時雖然心裏面第一個疑問係"點解會o甘o架？"，第二個疑問係"點解全部都變嗮咸片o架？"，最多o既疑問都係"呢d女仔。。都係自願o架？"。。因爲d女仔有時喊有時叫(err..係叫"好！好！"o個只嘞。。)，真係難以分辨。。不知所謂。。道德淪亡。。

旅游日记May 27, 2007 5:49 am

熱浪島之 “熱” 與 “情”

睇下d相，就知道消失咗呢段日子我去咗邊啦！

無錯啦，就係去咗馬來半島東部o既熱浪島(Redang Island)。呢個島就係幾年前，Sammi 同任賢齊拍 "夏日麽麽茶" o既地方。相當慚愧，我今年都先第一次去咋。

今趟都算玩得幾盡興啦。總共32人去，大部分去考潛水執照，少部分考救生執照，剩餘係度假潛水。

日出 6:19

日出 6:33

日出 6:35

日出 6:42

日出 6:46

日出 6:56

日出 7:02

日出 7:03

日出 7:14

潛水中心門口o既一個slogan。

Me & my buddy，手牽手漫遊海底世界。

海底植物，好得意係咪？

鰻魚，好慚愧。。因爲係我吃日本餐o既至愛。

普通蝦係海底因爲無顔色而幾乎透明般難察覺，呢只有顔色，所以靚又容易被我地發現。

每日廢話May 17, 2007 1:08 am

昨日、今日、明日

昨日
我被client激到彻夜难眠。support 当中，无人/甚少人用messenger来support。念住好心，又可以沟通得快点。点知变成client o既攻击点。唉。。心淡。。我话过今天起，唔再用messenger support呢个贱格client。

今日
刚刚睇完个舞台剧My Fair Lady，感觉上唔错啦。不过就系d比较budgeted o既类型。背景、道具都好有限，surround又无，音响唔够大声，搞到有时听唔到唱么。但胜在有几段都几搞笑，演员又talented，唱得又跳得。平平地又有discount，算ok啦! 不过，始终都系学友o既雪浪湖正d。应该Phantom Of The Opera 都会好好多，有点可惜无去到新加坡睇。不过。。都系o个句，一分钱一分货嘛。

明日
明日夜晚会出发去Redang，以家有d鼻塞，好担心唔可以Dive。上天保佑啊！

每日廢話May 14, 2007 4:14 pm

雙親節–不孝

適逢雙親節，講下有關故事先。。故事係真嘅，可能有d偏離，因爲始終唔係當事人親口陳述嘅。

一個晚上，阿仔從學校返來，直入廚房摷佐兩粒Panadol吃。阿爸見到就問:"唔舒服啊？" 啊仔愛死愛死咁答:"發燒"，就走佐上樓。上到樓上立即開架電腦玩。啊爸見到就講"既然病就休息下啦！咪搞電腦啦！" 阿仔聽到就熄佐架電腦，口黑面黑咁入佐房。

阿爸為免阿仔又玩電腦，就將只滑鼠收埋。阿爸落返樓后，阿仔又走出來想玩電腦，發現只mouse唔見佐，哇。。就呯呤嘭啷攞支棒球棍落樓下。。

阿仔用支棍指住阿爸，以十分火爆嘅語氣質問:"攞返只mouse來！" 阿爸見到自己嘅仔，用支棍對住自己，當然火冒三丈。。走上前就"劈啪"醒佐兩巴掌卑阿仔。阿仔成個人凝佐，之後就開始哭。。講返起幾十年前嘅事。。講阿爸偏心，講阿爸針對佢，講阿爸對佢唔好。。你當然問緊"阿媽去佐邊？" 阿媽係呢個時候，就企出來，攝佐響阿爸同阿仔嘅中間，拉開阿爸，又勸下阿仔。之後嘅幾個月，阿仔都冇同阿爸講話。。

對於呢件事，每個人都會有唔同嘅見解。"可能阿爸真係偏心" "可能阿爸管得太嚴厲" "可能阿爸同阿仔有代溝"。。我就認爲兩個都有錯。無論阿爸點錯，阿仔都唔可以拿枝棍對住阿爸，更何況佢只不過出於一片關心。阿爸亦應控制情緒，動粗就構成咗不良嘅典範，阿仔自然有樣學樣。

其實，當仲細嘅時候，好多人都會認爲自己父母唔錫自己或偏心。但係，永遠唔會諗下以下幾個問題：

1。父母會唔會徙咁多錢喺一個自己唔錫嘅人身上？你吃嘅、穿嘅、住嘅咪係佢地日挨夜挨挨返來嘅？你有車駕，有電腦玩難道係必然嘅？

2。父母會唔會徙氣去閙一個同自己冇瓜冇葛嘅人身上？閙你十句卑你頂十一句好過癮嗎？父母為咗你好，寧願被你嬲都要唵你，佢有幾心痛你知唔知？

3。如果父母偏心，點解佢偏偏錫嗰個唔係你？你讀書叻嗎？你有聽話嗎？你孝順嗎？你有多多同父母溝通嗎？乜都冇你仲想人地偏心你？

4。父母管得太嚴–都係嗰句。。錫你至管你。你唔見佢去管隔離鄰舍嘅仔？如果你認爲自己已有自制能力唔需要過分保護，可以同父母心平氣和溝通下，亦證明卑佢地睇你係成熟都唔洗佢地擔心嘅嘞。

5。你可能父母唔明白你，時代唔同嘛。咁你有幾明白你父母？你有冇試過好辛苦咁返工？有冇生過仔？有冇養過個仔廿年仲時不時卑佢激到軋軋跳？你唔首先去明白人，又憑乜要人明白你？而且，佢地唔明白，你可以慢慢解釋到佢明。。溝通下嘛。。

最后，或者你從來冇諗過佢地有一天會離開你。。但呢個係事實，只係早或遲嘅問題。。子欲養而親不在嗰仲感覺，係後悔、係心痛、係恨錯難返、係一啲都唔好玩嘅感覺。寺主及早回頭，善莫大焉。善哉善哉。

每日廢話 12:45 pm

十全八美，亦不錯！

雖然我呢份工，需要周圍飛，有時仲要飛好耐。所以，有時都覺得幾攰。尤其當遇見"potential candidates" 嘅時候，date佐兩次就要出trip，返來時d feel又要培養過，最慘嘅係培都冇得培，卑人捷足先登。如果唔係份人工可以滿足到我洗錢嘅欲望，旅行嘅嗜好，我諗我換佐工好耐啦。

雖然我好似對份工好多埋怨，但係我並不十分討厭份工。最低限度我仍然覺得有挑戰性，搵到錢又帶挈過我去好多地方。就算去d地方係3rd world countries，我仍然感激令我見識過真正"窮"嘅生活，慘嘅遭遇，我現在才會更加珍惜我擁有嘅一切。

除此，因爲travel得多，亦儲到幾多Krisflyer嘅points，啱啱夠我換到一張去HK嘅機票，哈哈！好開心，呢個十月終于可以圓我去HK旅行嘅夢啦！因爲HK唔係一個我非常渴望去嘅地方，所以要我卑錢買機票我就唔捨得，但我又好想去。。去吃下d美食，去下d廟，去下shopping。。不過唔知道十月是否係一個靚嘅visit period，book十月只係因爲六七八月應該都唔得閒，而且最近又玩得太勁，所以銀包要抖返下先。

hmm… 香港點心，雲吞麺，擔擔麵，絲襪奶茶。。哇！諗起都流口水。。

每日廢話May 11, 2007 4:24 pm

星晴

無可否認，呢首係一首好歌。旋律輕鬆容易上口，歌詞簡單容易記得。

因爲對華語歌較無留意，第一次聼，係首歌紅佐好耐之後，而且係karaok朋友唱嘅。當時覺得首歌都幾唔錯。

聼過幾次之後，學友亦o係佢嘅一個慈善演唱會唱佐呢首歌。佢優美嘅聲綫，加上技巧同成熟嘅處理，令首歌更加正！

即係話，我係從來冇聼過原唱版嘅星晴。直至今朝早，MY FM播放原唱版。。。我實在係從夢中扎醒。如果首歌有生命，佢一定好痛苦，因爲要對自己嘅創做人既愛又恨–"生我者此人，毀我者亦此人"。若非此人有些少才華同運氣，我都好難諗到其他理由佢點解會紅。

每日廢話May 9, 2007 2:59 pm

家具擺設

既然執靚閒屋，當然要炫耀一下。