最近突然好鈡意聼有印度味道o既歌。呢首雖然唔係非常特別，亦不經典，但係就o甘啱o係呢個悶到透頂o既地方，為我帶來不少樂趣。
第一次聼，覺得很做作，很刻意去惹人注意。。但係，最近聼落，卻發現自己身體很自然跟住舞動。燕姿唱d印度腔，都覺得幾似。最讚鬼o既係有d印度佬做Back Ground，哈哈！
記得上個月病到失聲–係失聲唔係失身，嘻嘻。。但係太耐無唱歌，點都忍唔住要唱返一兩個鈡。竟然發現，呢首歌係喉嚨痛唱o既時候係特別易唱。。點解？易走音咪似印度腔囉！喀喀喀！
雖然歌詞幾短，但我頗喜歡呢兩句 ：
眉中间有个红点 头纱遮住脸
好像每个人都有特别气味 闻了才发现那是咖哩作祟
其實應該改成：聞了才發現那是椰油在作祟。。 哈哈！
我係一個和平主義者，但係唔知點解，呢幾日腦海裏不停浮現d同戰爭有関o既字眼。
。。四面楚歌。。。。。。。。
。。。。八囯聯軍。。。。。。
。。。。。。十面埋伏。。。。
。。。。。。。。外憂内患。。
相信我係搵緊形容我現況最貼切o既字眼。
適逢三月三日係王力宏于大馬蓋世英雄演唱會，就替我偶像打下廣告。我身在外地，所以無機會睇，不過呢個演唱會o既DVD我就買佐兩份！點擊此睇演唱會片段。
或者係偏心，或者係事實，我卑呢個演唱會90分。分析一下：
燈光 ：95%
由日本著名燈光設計沼尺隆司四日不眠不休完成o既效果，絕對唔小來頭。就算係DVD道，都感覺到燈光o既設計一點也不馬虎。沼尺在未到台灣之前，已先聼熟力宏d歌。與力宏溝通之後，令到燈光同音樂o既效應簡直相互輝映。呢樣野好多演唱會都會忽略o既。好o既燈光同音響，係絕對可以影響、提升現場o既Feel同氣氛。音響我唔打算講，因爲唔o係現場係無辦法卑到正確評論o既。
Band ：95%
Band Leader & Piano : 吳慶隆
Guitar : James Wilson, Christopher James Wright
Bass : Andrew Michael Peterson
Chorus : 馬毓芬，Lisa，David Tan，Jim Lim Yeek Sinn
呢班勁人，大多出現過o係好多名人o既演唱會如陶喆同學友。James Wilson o既Guitar 你一定唔陌生，佢同Andrew都做過陶喆演唱會．Chris Wright o係 Guitar 全澳洲比賽縂冠軍．成班人根本唔似做緊演唱會，而似o係度好快樂咁玩緊，每個人展現渾身解數，但係唔會搶去其他人風頭，有默契，有火花， 一個字－－正！
氣氛 ：95%
力宏揀佐"與衆同樂"o既mood，所以佢請佐Etern做佢DJ，將成個演唱會變成一個Disco．大多數音樂都係輕快或Hip Hop.講到搞氣氛，絕對唔少得班Chorus，當然仲有音響。佢地扮演佐帶動觀衆ｏ既角色，"當我說蓋世你們說英雄"，"當我說台北你們說Yo!"。一開場班觀衆就被"灌輸"呢兩句野，好自然之後，台下同台上o既互動就有佐默契．所以可以想象，現場氣氛一定High到痹！
編、排、序 ：95%
所有歌曲都重新編過，咁o既演唱會至值得睇嘛！如果同CD一樣，咁不如聼CD？我最鈡意ｏ既係，佢好巧妙咁將歌同歌連接起來，令到個mood唔會因爲換歌而斷佐或down佐．
唱功 ：85%
雖然佢係我偶像，我都唔得唔承認佢的確唱功同學友、克勤差一大截。當然，佢冇走音啦，不過唱佐半場聲音開始"嚓"，唔似學友唱足三個鈡把聲都完好無缺。不過咁，有樣野連歌神都比不上佢o既，就係饒舌！哇，佢唱"在梅邊" LIVE 喔，d 字幕我睇都睇唔切，佢竟然一字不漏．數到我最敬佩o個Part，就係佢一路彈琴一路唱"Love Love Love"．首歌歌詞快而密，佢仲要彈住琴唱，彈o既係又快又節奏tricky既Jazz，好勢利啊！Ending 時，一只手彈琴，一只手打鼓，問你服未？
舞功 ：70%
唔好拿佢來同Aaron，MJ比．但係，佢真係進步好多．幾乎所有快歌佢都有跳舞，而且對於初哥來講，真係跳得幾好o架啦！
誠意 ：100%
呢樣絕對一百分啦！由音樂，音響，跳舞，燈光，舞臺，所有野都照顧都無微不至。最重要，所有歌猶如第一次聼，好有新鮮感。呢d都係成team人o既誠意．至於力宏，佢o既誠意就唔講都知．為佐個演唱會，佢要練歌，練琴，練小提琴，練吉他，練鼓，練舞，練雜灑．所以如果你未買呢張牒，就儘快到唱片專賣店買返張正版啦！
你講我講齊齊講
緣慳一面，可惜可惜。。
