梅子部落


飛天、遁地、上山、下海。。什麽未試過?
只有真愛 

沉淪佐兩日，都係時候聼返d令人振奮o既歌。所以今日要講o既係歌神張學友o既–想劈酒。

呢首唔係主打，所以可能好多人都未聼過。想劈酒係首搖滾歌，搖滾有時會卑人"舊"o既感覺 ，but i don’t care，我就係鈡意d老套野嘛！有時覺得自己好膚淺，Zito 講o既"音樂營養"，我吸收唔到，對我來講，可以令我想笑、想喊、想跳舞、想一齊唱o既歌，就係好歌啦！當然我亦非完全忽略其他因素，但係只有比較特別o既編曲，或突出o既Instrument Solo，先會令我o既耳朵垂青。所以我鈡意王力宏囉！

唉呀，每次都離題。講返首歌先。首歌o既旋律係第一原因，輕快o既節奏感令人不自覺會跟住打拍子。第二原因，又係歌詞啦！哈哈！矣!? 竟然係歌神親自作曲填詞噃！首詞用o既並唔係什麽優雅深奧o既字眼，卻譜出佐現代人o既煩惱，打工仔o既不滿，同埋。。酒鬼o既心聲！睇來歌神唔只淨係識唱歌咁簡單。講多無謂，睇下歌詞最實際。

第一段，當時真係覺得好貼切。

"世间得失，不要怪晒自己"  呢句要來安慰自己就啱嗮啦！

"想享清福，也需要多争气"
"个天想帮，也要看看自己"
呢兩句當然要來鼓勵自己。我最鈡意駕車時大聲跟住唱，爽啊！

"爱理就理，想走要走，不必讨好整个地球" 有邊個唔想？

"错了自救，输光最多荣休"
哇，唱到最後呢句，就已經面紅兼青根都現啦！但係發洩完真係好舒暢o架！自從有佐呢首歌，我回家塞車o既途中都冇再發脾氣啦！而且將全日響公司受o既氣都發洩嗮出來，返到屋企又係一條好漢！

想劈酒

歌手：张学友
作曲：张学友
填词：张学友
编曲：Eric Ng

＃爱理就理　想走要走
　不必讨好整个地球
　错了自救　输光最多荣休＃

我唔知有乜野中文字可以完全表達到"Realized"呢個字眼。"發現"–唔夠o個种如夢初醒o既感覺。"反省"–又太嚴重。其實，只係想講，最近越來越發覺自己o既不才同不該。

不才一  : 寫blog之技能
最近，瀏覽過好多blog，因爲突然覺得自己寫o既blog冇乜"意思"。大前提係，我唔知道乜野係BLOG，BLOG唔應該係日記，但係我最初o既目的，就只係想寫d野，冇固定o既題材，冇target任何讀者，搞到冇資料，冇新意，對睇o既人同寫o既人都冇益處。寫下寫下，變得好似寫緊日記。所以，寫到最近真係有點迷失。

我絕對需要呢個途徑來發洩我對日常o既不滿。就算咁樣會令到我o既blog睇落好唔Pro，就算無人想睇呢d無休止o既控訴，呢個一定係我其中繼續寫Blog既原因。陌生甚至唔識o既讀者，令我發洩得更放心。

第二個原因，係希望將小女子o既作品，擺o係度卑大家"欣賞"下，如果係差到無論，亦可博君一笑娛樂下大家。可惜，到目前爲止，d作品都未有時間整理好，仲未見得人。

瀏覽佐咁多好Blog之後，我搵到第三個原因，就係–我要學寫Blog。或者有d人會話，寫blog洗乜學，想寫乜就寫乜囉！但係，我冇辦法接受自己同佢地o既距離差咁遠。譬如:Zito’s Blog 幾咁 Informative，Sidekick’s Blog 一呼百應，Empty Concept 靚相不絕，飛燕驚龍竟然有Multi-Lingual添！我寫o既野變得好似小學生d功課，我點可以卑自己一直停留o係同一個階段，自我陶醉毫無進展？

不才二 : 作曲之才華
正如之前講過，靈感–離我而去。最大件事係，我竟然覺得我之前作o既野，根本冇d水準。突然，好驚好迷惘，係咪應該繼續寫歌呢？好彩，o係呢個時候，我醒起有個音樂老師話過:"今日你作o既野，如果有一日你覺得Out佐，恭喜你因爲你o既要求高佐，品味好佐，睇o既野多佐"。希望真係如此。不過同PRO呢個字差太遠。

不才三 : 藝術創作與鑑賞能力
一直身邊o既人都話我有藝術細胞，但係當我從 NZ o既Art Gallery行出來時，我唔能夠唔承認我連藝術鑑賞o既能力都冇！Art Gallery裏面，只有大概10%o既作品我真正細心欣賞，40%o既作品我覺得靚，30%o既作品我根本唔明白，其他o既我根本就冇佐精力去鑑賞。相信我同藝術兩個字，相差十萬九千里。

不該之最 : 易猛、易唵、易嬲、易吃醋

由於呢兩日把口不停地重復一樣o既控訴，突然覺得自己好唵沉。而且，只要稍稍不如意，就發猛憎,完全冇耐性可言。易嬲，我一向都係，因爲我亦易忘記，亦易被氹返，所以有時我覺得識得我o既人應該要當係一個優點，夠真丫嘛！最后呢樣，易吃醋，認真攞命。只要佢同其他女仔傾多兩句，或有野其他女仔知我唔知o既，我就會懷疑同吃醋。万試万靈。有陰影佐，有乜辦法？如果你試過捉姦在蹬，妊婦仲要係你好朋友，可能你都會變得神經質。呢幾樣不得不檢討檢討。

講佐咁耐，似乎我仍然要迷失多一段時間，先至可以重拾信心，捲土重來。

今日有很多o野寫，就寫d生活瑣碎先。

事件一 : Farewell

之前提過要離職o既同事，已經離開佐。很可惜我無法同佢地farewell。通常我會為佢地準備一d紀念品，但今次實在時間太緊迫。其中一個同事，我知道佢鈡意飲茶，又已經有好多种茶，所以送個茶壺卑佢，並且在茶壺盒上提佐首詩。點知佢竟然冇睇到，仲連個盒都丟埋，唉。。悲也。。佢叫我再寫一次，弊在我都唔記得自己寫乜。諗佐好耐至諗到，首詩大概如下，希望佢升价十倍！事先聲明，我d中文仲係停留響中二，所以請勿見笑。

德 富 躍 龍 門
不 未 跨 鱗 下
比 及 湖 一 錦
孔 家 過 夜 衣
子 成 海 張 還
， ； ， ， 。

事件二 : 發猛憎

今日返到來實在好躁。第一卑client激到扎扎跳。第二，就無法明白點解有d人就係要干涉或叉只腳落你做緊o既野，太得閒？或想表演或想證實佢做得好過你？我好懷疑我o既忍耐力可以支持得幾耐。第三，連續兩日卑呢道d警察block。當然，block個 tuk tuk 車啦！但係，我地兩個女仔都要落車，仲要check passport，仲要搜bag，仲要問長問短。請問兩個女仔做得d乜野啊？我地文質彬彬難道似收人錢做suiside bomber麽？

事件三 : 失去靈感

尋晚，諗到好耐冇寫歌，就調低d燈光，熄嗮d會發聲o既野，set 靚個mood，諗住寫返首歌。點知寫佐成晚，東一d西一d，有歌詞又配唔到曲，配到曲又覺得太老套。最後，一事無成，衰佐。

每次介紹o既歌都係d情情塔塔o既歌。單車—都係講情，不過係父子情。三嵗o既時候，我爸爸就過世佐，印象中佢好惜我，不過呢首歌令我落淚係因爲令我想起我母親。

好多人同雙親o既距離就如隔佐一條河，規規矩矩，戰戰兢兢，關心愛惜都埋o係心裏，從來沒有表現響行動上。試問你最後一次同佢地擁抱係幾耐之前o既事？自從我懂事以來，我第一次抱我媽媽係我就要出國o既時候。返來之後抱過兩三次，就從此以後都無機會再抱嘞。奉勸各位，珍惜眼前人。無論家人如何長氣，如何蠻不講理，如何令人厭煩，到佐一日你再見唔到佢地o既時候，就會覺得呢d諗法好幼稚，好後悔。寧願佢繼續煩你，冇佢煩你反而覺得太過清靜。最慘o既係以前你一直覺佢o既講法太過無理，太迂腐，太可笑，突然一日你長大佐，發現佢講o既句句都係金石良言，o個种想即刻跪在墳前認錯o既感覺，實在難以形容。對以家幸福o既你來講，絕對難以想象。

講返首歌。呢首歌我第一次聼就感動到落淚，由Wyman操刀，Eason演繹更令遺憾o既感覺表露無遺(如果你唔知點解，摷下八卦新聞)。旋律方面我自問冇資格評論，但係K歌得來幾激我幾鈡意。

歌詞，我最愛o既一句莫過於 "怀紧贴背的拥抱"，就以"怀紧贴背"四個字貼貼切切代替佐好粗脾o既"心口貼背只"。我冇同爸爸騎過單車，但係有騎過博馬，唔知Wyman會有d乜野形容詞可以表達o個种情景同感受呢？

 "不要不要假设我知道"    愛就要說出口。

"如孩儿能伏于爸爸的肩膊，哪怕遥遥长路多斜"
如果永遠有父母o既庇廕，無論幾難行o既路，相信都變得冇咁崎嶇。有人賠嘛，幾時都冇咁驚，冇咁悶。

"可知我只得你承受我的狂或野"
世界上就只有父母會一次又一次原諒你做過o既錯事，永遠唔放棄你就算你唔多謝佢地，就算你嫌棄佢地， 就算你開口閙佢地。男朋友、女朋友、好朋友都可能唔係一世，都可以換。唯獨父母係冇得換啊！

單車 

歌手：陈奕迅
曲:柳重言
词:黄伟文
编:柳重言

难离难舍想抱紧些
茫茫人生好象荒野
如孩儿能伏于爸爸的肩膊
哪怕遥遥长路多斜
你爱我爱多些    让我他朝走得坚壮些
你介意来爱护    又靠誰來施捨？

今日為大家推介o既都係舊到冇得再舊o既歌–張信哲o既《依依不捨》

哇，好邪啊！今日o係網絡道至摷到原來同上一首係出自同一人手筆–刘虞瑞。似乎我的而且確會忠於某些人o既手法。

講到呢首歌就犀利嘞！齋聼頭四句，已經淚流滿臉。聼到第八句，就泣不成聲。反而Chorus就冇乜Feel。

"你怎么说我怎么做，这样子够不够" 簡直係心底話。

"你看不到我的双手，在痛苦地颤抖" 
當日o既我只要見到佢就會又興奮又驚，睇住自己雙手猛咁顫都控制唔到o既感覺，更怕卑佢睇到o既感覺，到以家都歷歷在目。

"你听不到我的内心，碎得我都不敢碰" 
通常聼呢首歌o既時候都困住自己o係間黑漆漆靜幽幽o既房，聽到呢句o既時候，幻想力特別好o既我，好似真係見到自己o既心跌佐落來，碎到一地都係，拾都拾唔返。

"爱不能有泪不能流，你教我这种日子怎么过"
愛一個不能愛o既人，流眼淚亦不可以讓人知道o既感覺，呢d日子我都忘記我係點樣挨過。 

依依不舍
作曲:殷文琦
编曲:殷文琦.徐德昌
作词:刘虞瑞
演唱:张信哲

舍不得你    所以才会骗了你也骗自己
其实我也知道只是我
没勇气面对问题
舍不得你    虽然明知我的爱你不珍惜
有些事情谁都说不出原因

本來想寫關於 blog o既o野， 但係未籌夠資料，所以先寫呢個主題。皆因我係一個容易被感動o既人，所以亦輕易淚流成河，亦既係話我會有足夠時間刮料。

第一首，係我偶像，王力宏作o既舊歌 — 如果你聽見我的歌。

論曲調，絕對平庸，o係十幾年前，可能係好 IN o架。感動我o既當然係歌詞。亦別誤會歌詞會係有幾驚天地、泣鬼神，因爲都係d老套野。感動到我o既只係四個字:身同感受。唔知係咁啱得咁巧，抑或我人生就係咁戲劇化，分手都係響雨天，又係響車站。同樣地，我也有寫歌o既習慣，寫來寫去都離不開個情字。理所當然會有強烈o既認同"如果你聽見我的歌" o既説法。

如果你聽見我的歌

詞：刘虞瑞 曲：王力宏

在送你上车以后 我独自站了好久  
雨像一整夜的梦 痛却怎么也不走   
猜不透是那里出了错 或许只是该结束的时候   
想起你那句还是朋友 为什么我竟如此痛在心头   
如果你在寂寞的时刻 却听见我这首歌 你眼眶是否会发熱  
如果你在快乐的时刻 却听见我这首歌 你心里是否会有一点舍不得  
泪不会轻易地流 你也用不著歉咎  
爱就像覆水难收 情又有谁能强求

網際網絡係呢個世紀最偉大o既發明！

我終于響網絡裏面搵到整返好架 mp4 o既方法啦！

不過，網際網絡亦有壞處。其中就係，尋日我o既blog直程入唔到，login都有問題。哇！如果成個blog唔見左就慘啦，我寫左咁多野咪冇嗮？搵日都要backup下至得。

新年第二日，就要返工啦！真係冇陰功。。

好o既係，好多野都ok佐。。仲有好多要test，但起碼基本o既都行得佐。。真係拜得神多自有神庇佑，啊隬陀佛。。

不過唔知點解，個mp4又唔work佐。。好彩唔係自己買o既，都冇咁激心。。唯有攞返去claim warranty 啦！但係，對我呢個一分鐘都唔可以無音樂o既人來講，就等於唔卑飯我吃唔卑水我飲，好慘o架！

講到音樂，我三天前開始失聲。哇，真係一d聲都冇！夾硬講話會發出好畸哩o既聲，仲會走音至夠力！自己聼到都認唔住笑。三日嘞，冇得唱歌三日啦！真係攞命啊！返到大馬我d鄰居同friend肯定要受我好好折磨，哈哈哈！

豬係我o既至愛，事関。。似我嘛！！ 哈哈！！

希望我咁愛佢，佢都咁愛返我。。今年卑我平平安安，錢搵多多，桃花就開花結果。。:p

亦都祝大家 :

豬籠入水
珠光寶氣
珠圓肉潤

黎明7點鐘

窗外終于透入一道微微的曙光。等了整個漆黑無助的晚上，終于等到黎明的日出。暖暖的晨光照耀在那部已經可以順利開動的電腦軟件上，我的血終于變囘熱騰騰了。

雖然還沒解決的問題仍然很多，但是這確實是一天最好的開始。

還不忘了祝大家：情人節快樂！

經過今日之後，原來我呢個 trip o既災難係未完o架。

今日比尋日o既尋日更慘，無論conversion，data，application，web application 都有問題。想debug但係souce code又唔行，download driver internet 又太慢，後來我同事話有o個個driver，點知 version 又唔同。

我o既 "柳暗花明又一村" 要行幾耐至到啊！神啊，救救我吧！

尋日，所有野仍然好似死路一條，今日卻似乎有d起色。

所以，我成日都話:

"落花流水疑無路，柳暗花明又一村"

估下我o係邊度領略到呢個道理？哈哈！係打緊機o既時候。

我有一段時期，係極之沉迷于脾牌遊戲Free Cell, Solitaire 同 Spider。每一次我覺得窮途末路要放棄o既時候，我就會行開下飲啖茶，再返來搏過。好多次都卑我搵到出路，所以，就令我銘記"落花流水疑無路，柳暗花明又一村"呢句野啦！

第二座右銘就係:

"塞翁失馬焉知非福"

呢個故事比較長，下次再講，嘻嘻！

呢幾日預算通頂，所以梅子部落應該會小休。下個星期三可能會重開。 在此預早祝大家

新年快樂，萬事如意！

龍馬精神，身壯力健！

心想事成，財運亨通！

今日係o係斯里蘭卡第二日。

第一日覺得超難過。無水飲，無冷氣(有好似無)，蹬又唔舒服，網都上唔到。最慘o既係上星期五放假都特登趕起o既文件，我同事竟然無send到卑client。o甘我究竟趕來做舍？巨o既解釋係send佐卑PM，但PM放緊假喔！巨話雖然巨放緊假，但仲o係KL o既，應該收到。天啊！o甘樣推卸責任o既藉口係唔係男人講o架？我忍！

叫個client卑10個sample我，就卑我幾百個，叫巨卑個file我，就卑佐幾個鈡都卑唔到。天啊！你跟不到我o既速度唔緊要，但唔可以要求我用o甘o既速度o甘短時間來完成甘多野o架嘛！我忍！我忍認忍！

忍一時風平浪靜，退一步海闊天空。。如果忍完係無海闊天空o既，我就拆狄龍招牌！！

本來好想繼續mp3 download既話題，但係一寫就寫好長，所以呢個話題暫休。I will be back

今日係KL同PJ既公共假期，KL係Federal Day，PJ係Thaipusam。因爲近過年，好多人出來Shopping，所以就唔打算同人逼，留係屋企做下工準備On Site既野。Titan今日好卑面來坐，希望佢孟加拉一切順順利利啦！

最近兩日，接到兩個驚人坏消息，一星期内兩個人辭職，兩個都係人才，兩個我都唔捨得。唔知我可以做d乜令佢地留低？抑或亦都係我離開公司o既時候？