Zito 对我早前o既post作出了一下o既回应，我觉得观点值得参考，所以另外copy佐出来，同大家分享。
我绝对认同，download系最快最有效o既宣传管道。买CD要等到CD推出，仲要如果o系你o既国家有得卖至系，然后要到CD店选购。买到CD后，要放入机至可以听。如果你o既系单CD机，你同一时间净可以听一个CD(即大概10-16首，16 首o既大多数系精选o添o播！)，好彩一点你o既机可以放5张CD，同一时间你可以听最多80首。如果download, 一首歌大概4MB, 做工o既时候可以放在harddisk听，放工可以burn落CD听.一张CD700MB,可以burn 大概175首歌，如果wma format 或burn 落DVD，更加多到你听都听唔晒。Download mp3又容易同你d friend分享，又可以放入mp3 player，细又方便，行街跑步旅行坐飞机样样可以。CD Player? 过时了！
正如Zito所讲，一个CD如果有8首好歌，就值得买。不过，近年来我已经将我o既要求改到7首咋，要揾80%好歌o既CD，好难啊！所以我唔得唔承认，我买CD买少佐，mp3 download多佐。有时我好内疚，但d唱片公司同歌手真系要检讨检讨，有d歌简直摆明抄袭，有d连Do Re Mi Fa So都走音，有d唔知边度求其揾d arranger来系咁repeat一样pattern o既drum同guitar就当编曲。哇，音乐界发生乜野事啊？传媒又系一大问题，报告歌手o既丑闻8卦新闻做头条，连歌手o既姨妈姑姐o既新闻标题都大过多过报道新专辑o既消息。又点怪得d歌手得闲无事就搞下分手，搞下复合，又搞下大肚丫？
OK,讲到download咁好，但系download又如何令到唱片公司赚钱？冇错，就系"合法下载"！如果唱片公司提供合法下载，下载o既会员费或下载费就归唱片公司，横坚唱片公司提唔提供大众都会下载o架啦，唱片公司赚好过卑非法翻版网页赚丫嘛。问题就系，唱片公司无办法面对，一个人download,几个甚至几百个人听，钱就收一份。不过，佢地一定要睇开d啦，有心download o既，就一定download，有心收藏CD o既，就一定会买CD。最重要系d唱片质素要好价钱公道，就自然有人买啦。当然，保护版权单位就一定要尽责去扫灭非法下载网页，如果唔系都系徒劳无功。
以下就是两个现有o既合法下载网页–虽然有待改进，他日冇咁多restriction时，请多多支持！
[Zito’s Response :]
其实download可以系条死路，亦可以系条生路。但系依家主流唱片公司D人太无远见啦~剩系识搞包装，搞确头，搞到CD既价钱高居不下，音乐品质本身反而得过且过。
搞包装，搞确头，明显系瞄准D年轻消费者。但系哩群消费者，经济能力有限，分分钟要向家人“哆”水至可以消费。所以咪走去download咯，聊以自慰一下。
而比较年长既消费群，有经济能力，但对包装确头未必会有反应，反而对音乐质素会有所要求。不过张碟里边10首有8首系行货，点买得下手啊？所以又走去download啦，听下果两首算啦。
甘生路哩？
音乐讲多无谓，经自己耳朵听过最实际！
点听？咪download咯！
如果张碟里边10首有8首系正野，有经济能力既消费群download听左甘有feel之后，仲唔啦啦声去买咩~
再说，将集中力放系音乐品质，唔驶搞浮夸无聊既包装/确头，整体费用就可以cut减，CD价钱就平易近人得多了，经济能力有限既消费者既实质购买能力就被提高。download听左钟意既的，去买既可能性亦提高左啦。
然后，download对新音乐人黎讲，系最直接兼有效既宣传管道。因为依家download可以话系无孔不入，大家都可以第一时间听到世界各地既第一手音乐。所以如果唱片公司可以善于利用download哩个管道黎推D艺人，巨既宣传效益系无可限量架！
所以，你唔见依家好多独立艺人都创出一片天咩？咪多得download咯。
